Wenyeviti wa vijiji na vitongoji Vitongoji watakiwa kufanya Vikao vya kisheria.

Posted on: May 4th, 2018

Wenyeviti wa Vijiji na Vitongoji wametakiwa kuitisha na kufanya mikutano na Vikao  Vya kisheri ili kuondoa  migogoro isiyo ya lazima katika maeneo yao. Hayo ameyasema Mkuu wa Wilaya ya Babati  Mhe. Eng Raymond Mushi kwenye Mkutano wa Baraza la Madiwani la Halmashauri la Wilaya ya Babati ambao umefanyika katika ukumbi wa Halmashauri ya Wilaya ya Babati. Akitoa taarifa za Serikali kwenye Mkutano huo amesema"Mikutano na Vikao vyote vya kisheria vya Vijiji na Vitongoji  lazima vifanyike, Wenyeviti wa Vijijini na Vitongoji wasioitisha Vikao wachukuliwe hatua" amesisitiza Mkuu wa Wilaya. Aidha amesisitiza wajumbe wa Baraza la Madiwani kuhamasisha wananchi kutunza vyanzo vya Maji na kuhimiza Halmashauri kuongeza juhudi za ukusanyaji wa Mapato ya ndani ili kutimiza malengo yaliowekwa na Halmashauri ya Wilaya ya Babati. Wajumbe wa Mkutano huo kwa pamoja wamesisitiza  Vifaa vya upimaji ardhi vinunuliwe mwaka huu ili kupunguza migogoro ya ardhi katika maeneo yao