Watumishi Watoa Shukurani Kwa Baraza la Madiwan

Posted on: June 20th, 2025

Watumishi wa Halmashauri ya Wilaya ya Babati Mkoa wa Manyara wameshukuru Madiwani kwa kazi nzuri ya kusimamia na kutoa ushauri  mzuri mpaka Halmashauri kupata mafanikio makubwa   kwa Kipindi chote cha miaka mitano.Hayo ameyasema Mkurugenzi Mtendaji Anna Mbogo leo kwenye Mkutano wa  Baraza Maalum la kuvunja Baraza la Madiwani lililofanyika katika Ukumbi wa H/Wilaya ya Babati.Akisoma mafanikio hayo Mkurugenzi Mtendaji Anna Mbogo amesema kwa Kipindi cha miaka mitano imefanikiwa kununua magari 7 kupitia mapato ya Ndani na kupeleka fedha za  miradi ya asilimia 40 kila Mwaka Kwa asilimia 100,Kupata Hati safi kwa miaka 5 mfululizo,kupeleka magari mawili ya Wagonjwa katika kituo Cha Afya Nkait na Gallapo.Kwa Upande wake Mwenyekiti wa H/Wilaya ya Babati Mh.John Noya Kwa niaba ya Madiwani amewashukuru Watumishi Kwa ushirikiano wao waliounesha kwa Kipindi chote cha miaka mitano mpaka kupata mafanikio makubwa ya kujivunia na kusisitiza kuendelea kutoa chakula cha mchana kwa wanafunzi wa Shule za msingi kwa asilimia 100.