Waajiri Watakiwa Kusimamia Maadili Mahali pa Kazi

Posted on: January 9th, 2026

Waajiri wametakiwa kusimamia maadili na na kutatua changamoto za Watumishi kwa wakati ili kuleta ufanisi mahali pa kazi. Mhe Regina Qwaray Naibu Waziri, Ofisi ya Rais, Menejiment ya Utumishi wa Umma na Utawala Bora ameyasema hayo leo katika kikao chake pamoja na watumishi wa Halmashauri ya Wilaya ya Babati na Taasisi zilizopo kilichofanyika katika Ukumbi wa shule ya Sekondari ya Ayalagaya." Waelekezeni kila mara watumishi wafuate maadili ya Utumishi wa umma atakayekiuka achukuliwe hatua za kiutumishi kwa kuzingatia Sheria,taratibu na kanuni za Utumishi wa Umma na maamuzi yote yazingatie haki." Amesisitiza kiongozi huyo. Mhe. Qwaray ametumia nafas hiyo kuwashukuru wanawake wote wa Mkoa wa Manyara Kwa kumchagua kuwa Mbunge na kumshukuru Mhe. Rais wa Jamhuri ya Muungano wa Tanzania Dkt Samia Suluhu Hassan kwa kumteua kuwa Naibu Waziri.Katika kikao hicho ambacho kimehudhuriwa na Mkuu wa Wilaya ya Babati na Kamati ya Ulinzi na usalama, watumishi wameomba  vitendea kazi kv pikipiki  na ajira mpya kwa upande wa kada za Afya  hasa Maofisa Afya na mazingira, kwa ajili ya kudhibiti mlipuko wa magonjwa na madaktari wa kinywa na meno kwenye vituo vipya  vya Afya  ili kuwasaidia Wananchi wenye changamoto hizo.