Watumishi Washauliwa kujiunga na VICCOBA.

Posted on: January 22nd, 2018

Mwenyekiti wa Ukombozi VICOBA  Ndg. Rabieth Mulemba  wa Halmashauri ya Wilaya ya Babati amewaomba wafanyakazi kujiunga na VICOBA kwa ajili ya kuendeleza miradi yao  ili kujiletea maendeleo. Mwenyekiti huyo ameyasema hayo wakati wa kugawana hisa za wajumbe kwa mwaka 2017 na kuanza usajili mpya kwa mwaka 2018 na kusisitiza wajumbe kuzingatia kanuni  na taratibu za kikundi hicho cha VICOBA.Kikundi cha Ukombozi VICOBA kina jumla ya wanachama 30, ambao wamewekaza hisa zao kuanzia Januari 2017 kila hisa Tsh.30,000 na wameweza kukusanya Jumla ya Hisa zote Tsh 41,880,000 na kutengeneza faida ya Tsh 12,115,995 ambapo kwa mwaka 2017 hisa moja imezaa Tsh.4,339.