Watumishi wa Halmahsuri ya Wilaya ya Babati wametakiwa kufanyakazi kwa bidii kutekeleza majukumu yao.

Posted on: January 3rd, 2018

Kaimu Mkurugenzi wa Halmashauri ya Wilaya ya Babati Ndg.Veronica Marwa amewataka watumishi kufanya kazi kwa bidii kutekeleza majukumu yao ili kuwaletea maendeleo wananchi wa Halmashauri hiyo.Kaimu Mkurugenzi Mtendaji ameyasema  hayo  wakati wa kikao  Maalumu cha Baraza la Wafanyakazi cha Kujadili Bajeti ya Halmashauri ya mwaka 2017/2018"Sisi kama viongozi tunatakiwa kujitoa kuwatumikia watumishi wenzetu na wananchi wa Halmashauri ya Wilaya bila kujali tunapata nini" Alisisitiza Kaimu Mkurugenzi Aidha Kaimu Mkurugenzi Mtendaji aliwaeleza wajumbe wa Baraza hilo kuwa Baraza la wafanyakazi lipo kisheria kujadili changamoto zinazojitokeza mahali pa kazi na kuzitatua hivyo,akawataka Viongozi wanapokutana na changamoto wasisite kuwasiliana na ofisi ya Mkurugenzi Mtendaji. Baraza hilo limepitisha jumla ya makisio ya Tsh 38,704,002,280 kwa bajeti ya mwaka 2017/2018  kuendelea  kujadiliwa kwenye  vikao vingine kishakuwasilishwa  Wizarani.