Watendaji wa Kata na Vijiji Watakiwa Kusimamia Vema Ukusanyaji wa Mapato

Posted on: October 27th, 2022

Watendaji wa Kata na Vijiji katika H/ Wilaya ya Babati wamesisitizwa kusimamia Ukusanyaji wa mapato ya serikali  yatokanayo na uchinjaji wa Mifugo na minada katika maeneo yao. Hayo amesema Kaimu Mkurugenzi Mtendaji wa H/ Wilaya ya Babati Ndg Benedict Ntabagi katika kikao kazi Cha  Watendaji wa Kata na Vijiji kilichofanyika leo Ktk ukumbi wa H/Wilaya Arri, "Kila mmoja Ktk maeneo yake asimamie Ukusanyaji wa mapato ya serikali yatokanayo na uchinjaji wa Mifugo na minada"  "amesisitiza kiongozi huyo . Aidha Mkurugenzi  huyo amesisitiza watendaji hao kufuata kanuni ,taratibu na Sheria katika matumizi ya fedha na kuhakikisha fedha zote zinazokusanywa kwenda banki kwanza kabla ya matumizi . Watendaji hao pia wamesisitizwa kufanya vikao vya kisheria katika maeneo yao na katika vikao hivyo taarifa za mapato na matumizi zisomwe  na kuwasilishwa Kwa Wananchi.H/ Wilaya ya Babati imeweka utaratibu Kila baada ya robo mwaka kukaa na watendaji hao kukumbushana wajibu na majukumu yao ili kuwaletea maendeleo Wananchi.