Wananchi Washukuru Serikali Ujenzi wa Shule Mpya ya Secheda

Posted on: September 15th, 2023

Wananchi wa Kata ya Secheda Wilaya ya Babati wameshukuru Mhe. Rais wa Jamhuri ya Muungano wa Tanzania kwa kutoa fedha  kiasi cha Tshs 584,280,028 za ujenzi wa shule  mpya ya Sekondari ya Secheda. Hayo yamesemwa  leo na Mwenyekiti wa kijiji cha Secheda Ndg Gabriel  Ingi na Diwani wa Kata ya Secheda  Ibrahim Tatock kwa nyakati tofauti mbele ya Mkuu wa Mkoa wa Manyara  Mhe. Queen Sendiga wakati alipotembelea  na kukagua ujenzi wa shule hiyo  " Sisi wananchi wa kijiji cha Secheda tunashukuru serikali kwa kutoa fedha  za ujenzi  wa shule mpya ya Sekondari ya Secheda " wamesisitiza viongozi hao. Diwani wa kata hiyo ameeleza kuwa kupatika kwa shule hiyo kutapunguza adha  ya wanafunzi kutembea Km 21 kwenda Shule mama ya Sekondari ya Ufana. Kwa upande wake Mhe. Sendiga amewapongeza wananchi hao kwa kutoa michango kwa ajili ya ujenzi wa miradi mbalimbali ikiwemo ujenzi wa Zahanati ya Secheda ambapo wananchi wamechangia kiasi cha Tshs  45 Millioni na zahanati hiyo imekaguliwa leo na  Mh. Sendiga.