. Wananchi wametakiwa kuyapuuza maneno ya uchonganishi.

Posted on: August 13th, 2018

Wananchi wameshauliwa  kuyapuuza maneno ya uchonganishi kuwa serikali ya awamu ya Tano haiwasaidii Wakulima.Hayo ameyasema Waziri wa  Nchi, Ofisi ya Waziri Mkuu Será Bunge ,Kazi, Vijana, Ajira na Watu wenye Ulemavu Mhe. Jenista Mhagama leo wakati akitembelea na kukagua Miradi iliyojengwa na Programu ya MIVARF ambayo ni ujenzi wa Ghala, Barabara Km 9  , Madaraja 2 , Box kalvati 3 na Mashine ya kusindika Mpuga zenye thamani ya Tsh 1.2 Bilioni iliyojengwa

katika Halmashauri ya Wilaya  Babati kata ya Magugu Vijiji vya Matufa na Masware. "Nimekuja kukagua miradi iliofadhiliwa na MIVARF kupitia ofisi yangu nimeona kwa macho yangu miradi hiyo ni Mizuri itunzeni na fanyeni kazi kwa bidii na Ole wenu miradi hiyo isipokuwa endelevu" amesisitiza Mhe. Waziri. Aidha ameshukuru uongozi wa Halmashauri  Wilaya ya Babati kwa kuweza kuchangia Tsh 63,621,855 ambazo ni asilimia 5 ya Gharama za utekelezaji wa Mradi kama Mwongozo ilivyoelekeza.Pia Mhe.Waziri ametembelea  Bank ya CRDB tawi la Magugu ambapo ameshauri jinsi gani wanaweza  kupunguza riba ya Mikopo kwa wajasiriamali wadogo  ,  Kutoa mafunzo kwa wajasiriamali wadogo na kufunga dirisha Maalumu lá kukopesha Vijana na Wanawake.