Tembeleeni Wasikilize Wananchi RC Sendiga

Posted on: February 9th, 2026

Mkuu wa Mkoa wa Manyara Mhe . Queen Sendiga  amewataka Madiwani kuwatembelea , kuwasikiliza na kutatua changamoto za Wananchi katika maeneo yao. Mhe Sendiga ameyasema hayo leo  kwenye Ufunguzi wa Mafunzo  elekezi ya Madiwani wa Halmashauri za Hanang, Babati Mji na Halmashauri ya Wilaya ya Babati yaliyofanyika leo katika Ukumbi wa Hamashuri ya Wilaya ya Babati. " Tembeleni Wananchi wasikilize na tatua changamoto zao amesisitiza kiongozi huyo. Wakati huo huo Mhe Sendiga  amewataka Madiwani kusimamia huduma za kijamii kila siku katika maeneo yao  akisema Diwani ni mwakilishi wa Mhe Rais katika kata yake hivyo anawajibu wa kuhakikisha kusimamia kata yake na kuhakikisha huduma za kijamii zinawafikia Wananchi wote bila ubaguzi.Katika hotuba yake ya Ufunguzi  Mhe Sendiga amewaasa viongozi hao kujiepusha na masuala ya Migogoro  hasa Migogoro ya ardhi akisema katika Mkoa wa  Manyara migogoro haina tija inarudisha maendeleo ya wananchi nyuma.  Mafunzo hayo yamehudhuriwa na Wahe. Wakuu wa Wilaya wa Babati na Hanang, Makatibu Tawala na Wakurugenzi watendaji  Hanang , Babati na Kaimu mkugenzi wa Mji wa Babati. Mafunzo ni ya siku mbili na yanatarajia kumalizika  kesho.