Wananchi wa Kata ya Mamire Waishukuru Halmashauri

Posted on: August 22nd, 2021

Wananchi na Viongozi wa Kijiji cha Mamire Kata ya Mamire H/ Wilaya ya Babati Mkoani Manyara wameshukuru Serikali kurudisha Mpango wa kunusuru Kaya masikini TASAF awamu ya pili. Mwenyekiti wa kijiji hicho Mhe.Hamisi Maulid kwa nyakati tofauti katika Kikao cha H/ Kijiji na Mkutano Mkuu   wa utambuzi na uandikishaji wa Kaya za Walengwa, uliofanyika leo katika viwanja vya ofisi ya kijiji hicho, kwa niaba ya Wananchi amesema  " Tunashukuru serikali yetu ya awamu ya sita kwa kurejesha mpango wa  kunusuru Kaya Masikini TASAF  kwani ilikuwa hitaji la Wananchi wa kijiji cha Mamire la muda mrefu " amesisitiza kiongozi huyo. Naye Marietha Sanka Mkazi wa Kitongoji cha Mamire kati  katika kijiji hicho ambaye ametambuliwa na kuandikishwa kuwa mlengwa wa  Kaya Masikini ameshukuru serikali kuanzisha mpango huo na kusema '' Tunamshukuru Rais wa Jamhuri ya Muungano wa Tanzania kuendeleza mpango huo".amesisitiza mama huyo. Kwa mwaka huu ni vijiji 39  vya H/Wilaya ya Babati  vilivyoingizwa kwenye mpango huo.