Wananchi wa Kata ya Gallapo Wamekuwa Mfano wa Kuigwa

Posted on: January 21st, 2020

Mkuu wa Wilaya ya Babati Mhe. Elizabeth Kitundu amewapongeza Viongozi na Wananchi wa  Vijiji vya Gallapo na Endanoga kata ya Gallapo kwa kujitokeza  kwa wingi  kuwasaidia wenzao waliopatwa na janga la upepo mkali  kuezua nyumba  na kujeruhi baadhi ya Wananchi.Hayo ameyasema leo kwenye Mkutano Maalumu wa Baraza la Madiwani la Halmashauri ya Wilaya ya Babati la  kujadili makisio ya Mapato na Matumizi kwa Mwaka 2020/2021 lililofanyika  ofisi za Makao mapya ya H/Wilaya Kijiji cha Loto kata ya Dareda."Kupitia kikao hiki nawashukuru sana Viongozi na Wananchi wa Kijiji cha Gallapo na Endanoga na kata kwa ujumla kwa kujitokeza kwa wingi kuwasidia wenzao,kuwapeleka hospitali, kuwahifadhi, na kujenga mahema kwa watu waliopatwa na janga la upepo mkali siku ya jpili jioni ushirikiano huo naupongeza ni mfano wa kuigwa" amesisitiza Mkuu wa Wilaya,Aidha ametoa  wito kwa wazazi kuchukua tahadhali kwa  watoto wao wasikaribie na maji hasa kipindi hiki cha Mvua nyingi Wilayani Babati.