Wananchi Kata ya Secheda Waishukuru Serikali

Posted on: July 28th, 2023

Kata ya Secheda iliyoko katika Halmashauri ya Wilaya ya Babati Mkoani Manyara  imepokea fedha kutoka Serikali kuu wa ajili ya ujenzi wa shule mpya ya sekondari. Akitoa Taarifa ya Serikali kwenye Baraza la Madiwani la Halmashauri ya  Wilaya ya Babati leo iliyofanyika ukumbi wa Halmashauri ya Wilaya  Mkurugenzi Mtendaji wa Halmashauri ya Wilaya ya Babati Anna Mbogo amesema serikali kuu imetoa fedha Kiasi cha Tshs 584,280,028 kwa ajili ya ujenzi wa Shule mpya  ya Sekondari ya Secheda kupitia mradi wa uboreshaji wa miundombinu ya Elimu ya Sekondari (SEQUIP) .Naye Diwani wa kata ya Secheda  Mhe. Ibrahim Tatock  ameshukuru serikali kwa ya Awamu ya sita kwa kutoa fedha kwa ajili ya ujenzi wa shule mpya  ya Sekondari ya Secheda. " Kwa niaba ya wananchi tunashukuru serikali yetu kwa  ujenzi wa shule hiyo ambayo ili kuwa ni hitaji la wananchi kwa muda mrefu" amesisitiza Diwani huyo.