Wanafunzi Waliofanya Vizuri Mkoa wa Manyara Wapewa Zawadi na RC

Posted on: December 8th, 2021

Mwanafunzi Ushindi Peter Saktay kutoka shule ya Sekondari Magugu H/Wilaya ya Babati amepewa zawadi ya fedha kutoka kwa Mkuu wa Mkoa wa Manyara Mhe.Makongoro Nyerere baada ya kushinda uandishi wa Insha ya Maadhimisho ya Uhuru wa Tanganyika kwa shule za Sekondari kimkoa.Mwanafunzi huyo amepokea zawadi hiyo leo kwenye kilele cha maadhimisho ya Miaka 60 ya Uhuru  kimkoa iliyofanyika Uwanja wa Kwaraa Mjini Babati.Aidha Mkuu wa Mkoa amesisitiza wananchi kwenda kuchanja katika vituo vyote vilivyoanishwa ili kujikinga na Virusi vya Corona. " Unapochanja unazuia kiwango kikubwa kupatwa na ugonjwa wa Corona" amesisitiza kiongozi huyo. Sherehe hizo zimehudhuriwa na viongozi mbalimbali wa Mkoa wa Manyara, wazee maarufu, wazee waliozaliwa tarehe 9/12/1961 na kupambwa na vikundi mbalimbali vya burudani.