Walimu 28 na MEK 10 Halmashauri ya Wilaya-Babati washushwa Vyeo vyao.

Posted on: January 22nd, 2018

Mkurugenzi Mtendaji wa Halmashauri ya Wilaya ya Babati Ndg. Hamisi Idd Malinga ametengua madaraka ya Walimu Wakuu wa shule za Msingi 28 na Maofisa Elimu Kata 10 kutokana na kutofikia asilimia 50 ya ufahulu wa Wanafunzi katika Mtihani wa kumaliza Elimu ya msingi mwaka 2017 kwa shule wanazoziongoza. Mkurugenzi huyo ameyasema hayo kwenye kikao cha Baraza la Madiwani kilichofanyika katika Ukumbi wa Halmashauri ya Wilaya ya Babati "Tumeamua kutengua Wadhifa wa Walimu Wakuu na Maofisa Elimu Kata kutokana na kufelisha watoto wa shule za Msingi chini ya asilimia 50katika Mtihani uliomalizika mwaka jana" alisisitiza Mkurugenzi huyo.Katika kikao hicho aliwaomba wajumbe  kutoa ushirikiano kwa walimu Wakuu wapya watakaoteuliwa ili kuongeza kiwango cha ufahulu kwa mwaka 2018.