Vyama vya Siasa Vyatakiwa Kulinda Amani

Posted on: September 26th, 2024

Msimamizi wa uchaguzi Halmashauri ya Wilaya ya  Babati Anna Mbogo  amewataka  viongozi wa vyama vya  siasa  kufanya kampeini safi za kistaarabu zenye kujenga hoja na kudumisha amani ya nchi yetu wakati wote  wakuelekea uchaguzi wa Serikali za Mitaa tarehe 27/11/2024.  Hayo ameyasema leo wakati akitoa maelekezo ya uchaguzi wa serikali za mitaa kwa wadau mbalimbali  kikao kilichofanyika katika ukumbi wa H/ Wilaya ya Babati " Hakuna nchi nzuri kama Tanzania, katika kipindi hiki cha uchaguzi fanyeni kampeni nzuri zenye kujenga hoja na kudumisha amani" amesisitiza Kiongozi huyo . Wakati huohuo Katibu Tawala Wilaya ya Babati  Halfan Matipula amesisitiza  viongozi wa vyama kuheshimiana na kuhakikisha uchaguzi huo unafanyika kwa kuzingatia sheria taratibu na kanuni za uchaguzi wa Serikali za Mitaa  2024. Maelekezo ya uchaguzi wa serikali za mitaa  yametolewa leo  na kuhudhuriwa na viongozi mbalimbali wa  vya siasa, Viongozi wa Taasisi wasimamizi ngazi za Kata na vijiji .