Viti Mwendo Vyanufaisha Watu Wenye Ulemavu

Posted on: May 21st, 2024

Watu wenye mahitaji maalum  30 kutoka Vijiji vya Halmashauri ya Wilaya ya Babati wamepatiwa viti mwendo na shirika lisilo la Serikali la Chair for love ( kutoka Marekani) kwa kushirikiana na Chemchem Association yenye Makao makuu yake katika kata ya Nkait. Wakipokea viti hivyo na kuvigawa kwa wahusika leo katika Makao Makuu ya Halmashauri, Katibu Tawala Wilaya ya Babati Ndg Halfan Matipula,Mwenyekiti wa Halmashauri wa Wilaya ya Babati John Noya na Mkurugenzi Mtendaji Anna Mbogo kwa pamoja  Wamewashukuru mashirika  hayo kwa kutoa viti kwa ajili ya watu wenye ulemavu.

 "Tunawashukuru sana kwa ufadhiri huo na ushirikiano huo uendelee" wamesisitiza viongozi hao. Naye  Mwajuma Omari kwa niaba ya wanufaika ametoa shukurani kwa mashirika hayo na kusema msaada huo utawasaidia kwa kiwango kikubwa. Mkurugenzi Mtendaji wa Halmashauri ya Wilaya  ameshukuru Mashirika hayo na kusisitiza wanufaika wa viti hivyo kuvitunza ili viweze kuwasaidia katika shughuli zao za kila siku .