Viongozi wa Taasisi Watakiwa Kushirikiana na Waandishi wa Habari

Posted on: January 23rd, 2020

Waziri wa Habari,Utamaduni,Sanaa na Michezo Mhe Dkt Harrison Mwakyembe,amewataka Viongozi wa Taasisi za Serikali kushirikiana na Waandishi wa Habari kutoa Habari kwa umma ili Wananchi wafahamu kazi zinazofanywa na Serikali yao. Akiongea na Wadau wa Habari katika Ukumbi wa H/Wilaya ya Babati ya zamani leo amesema inasikitisha kumkuta Mkuu wa Taasisi ya serikali hataki kutoa habari kwa Waandishi wa habari ili ziandikwe na zifahamike kwa Wananchi wote" amesisitiza kiongozi  huyo na  kusema kutoa habari ni takwa la kikatiba Ibara ya 18  kila mtu ana haki ya kupata habari kuhusu jambo lolote linalofanyika katika nchi yake.

  Wadau wa Habari wakisikiliza kwa makini nasaha za Mh Waziri

   Serikali ya awamu ya tano inayoongozwa na Mhe. Rais Magufuli imefanya mambo mengi mazuri hakuna cha kuficha, vitangazwe vyote Wananchi wafahamu,ameongeza Dkt Mwakyembe.Aidha amesisitiza Waandishi wa Habari kuandika habari za kweli,zenye uhakika zenye kuzingatia taaluma na  maadili ya Uandishi wa habari na kusisitiza hakuna Uhuru usiokuwa  na Mipaka.