Tushirikiane Kutokomeza Magonjwa ya Mlipuko, DC Twange

Posted on: April 17th, 2024

"Afya ni kila kitu, Afya haina mbadala, wote tushirikiane kutokomeza magonjwa ya Mlipuko" Hayo yamesemwa na Mkuu wa Wilaya ya Babati Mhe.Lazaro Twange  leo kwenye Kikao cha Kamati ya Afya ya Msingi ( PHC) kilichofanyika kwenye ukumbi wa H/Wilaya ya Babati. Mhe Twange ametoa kipindi cha Miezi mitatu kila kaya iwe imechimba , kujenga choo bora na kukitumia ili kuepuka magonjwa ya mlipuko  baada ya muda huo hatua kali  za kisheria zitachukuliwa kwa kaya husika. Wakati huohuo Mhe. Twange ameagiza viongozi ngazi zote kushirikiana kutokomeza ukatili wa kijinsia katika maeneo yao  ,"Wale ambao wanafanya vitendo vya ukatili wa kijinsia toeni taarifa haraka ili hatua za kisheria zichukuliwe". Mhe Twange  ameshukuru Wadau wa Afya  kwa kazi nzuri wanazofanya kwenye Vijiji ili kutokomeza magonjwa ya mlipuko.Kikao hicho kimehudhuriwa Viongozi wa Dini, Wadau wa Afya ( USAID Afya yangu) kamati ya Ulinzi na usalama na viongozi kutoka Wizara za Afya  na TAMISEM na viongozi wengine kutoka kwenye vijiji na kata .