Tara Getty Yawekwa Jiwe la Msingi

Posted on: August 3rd, 2021

Mkuu wa Mkoa wa Manyara Mhe. Charles Makongoro Nyerere  amewapongeza Wananchi  wa kata ya Magara na Shirika la Africa Foundation kwa ujenzi wa shule mpya ya Kisasa iitwayo Tara Getty iliyoko Kijiji cha Moyamayoka Kata ya Magara  H/ Wilaya ya Babati. Pongezi hizo amezitoa leo shuleni hapo mara baada ya kuweka jiwe la msingi ujenzi  wa shule hiyo kwenye ziara ya Siku ya kwanza  kukagua Miradi ya Maendeleo  katika Halmashauri ya Wilaya ya Babati.

" Wananchi na shirika la Africa Foundation nawapongea sana kwa ujenzi wa shule hii, kinachotakiwa kwa wanafunzi ni kusoma kwa bidii " amesisitiza kiongozi huyo. Shule hiyo inaendelea kujengwa hadi sasa Mfadhili shirika  la Africa Foundation ametoa fedha  zaidi ya Tsh 295 Million na ujenzi unaendelea.