Shule ya Sekondari Matufa Yaanza Rasmi Kupokea Kidato cha Kwanza

Posted on: January 19th, 2019

Uongozi wa Halmashauri ya Wilaya ya Babati Mkoani Manyara katika kuhakikisha wanafunzi wote waliofaulu darasani la saba 2018 wanaingia kidato cha kwanza 2019 wamehamasisha wadau na wananchi kukamilisha vyumba vya Madarasa . Akihutubia wananchi na Wadau wa   maendeleo, waliojitokeza kwa wingi leo katika  kumalizia ujenzi wa Shule ya Sekondari ya Matufa iliyoko Kijiji cha Matufa kata ya Magugu Mkurugenzi Mtendaji wa Halmashauri ya Wilaya ya Babati Ndg Hamisi Malinga amewashukuru wananchi na Wadau wa Maendeleo waliojitokeza na kusema kukamilika kwa Shule ya Sekondari Matufa ni utekelezaji wa Ilani ya Chama Tawala,pia itasaidia kuwapunguzia umbali watoto waliokuwa wanatembea mwendo mrefu kufuata Elimu katika Shule Mama Sekondari ya Magugu."Mlinituma kufuatilia kibali cha Shule ya Sekondari ya Matufa,napenda kuwajulisha kuwa kibali kimepatikana na wanafunzi wataanza Shule hapa Matufa Wiki ijayo" Amesisitiza kiongozi huyo .Jumla ya wanafunzi 287 Waliokuwa wamebaki wanategemea kuanza Shule hiyo wiki ijayo.Shule ya Sekondari Matufa inajengwa na Wananchi wa Vijiji vitano vya Magugu,Mapea,Sarame,Matufa na Mawemairo .