Shule Tano za Sekondari Zilizofanya Vizuri Matokeo ya Kidato cha Sita Zapongezwa na Baraza

Posted on: August 3rd, 2024

Baraza la Madiwani la Halmashauri ya Babati limepongeza Walimu wa shule 5 za sekondari kwa kufanya vizuri katika matokeo ya Mtihani wa Kitaifa wa Kidato cha Sita kwa  mwaka 2024. Hayo yamesemwa na Mwenyekiti wa H/Wilaya ya Babati Mhe. John Noya leo katika Baraza la Madiwani lililofanyika katika ukumbi wa Mikutano. "Tunatambua juhudi kubwa zilizofanywa na Ofisi ya Mkurugenzi Mtendaji na Watumishi wa shule  zote za sekondari 5 kwa matokeo mazuri ya kidato cha tano hongereni sana" Amesisitiza kiongozi huyo. Kwa upande wake Mkurugenzi Mtendaji Anna Mbogo amesema anafurahishwa na Matokeo hayo na  kutoa pongezi kwa walimu wa shule zote 5 kwa kufahurisha kwa asilimia 100 kwa matokeo ya kidato cha sita kwa mwaka 2024.Shule za sekondari zilizofanya vizuri katika matokeo ya Mtihani wa Kidato cha sita  kitaifa na kufahurisha kwa asilimia 100  ni  Ayalagaya, Dareda, Mbugwe,Mamire na shule ya Sekondari Chief Dodo .