Shirika la Water Aid watoa Tsh 290 million kujenga mradi wa Maji Babati.

Posted on: April 9th, 2018

Wananchi Wilayani Babati Mkoa wa Manyara wametakiwa kutoa ushirikiano nzuri kati yao na wafadhili katika ujenzi wa Miradi ya Maji. Hayo ameyasema Mkuu wa Wilaya ya Babati   Mhe. Eng. Raymond Mushi kwenye Mkutano wa utambulisho wa Mradi mpya wa Maji  na Usafi wa mazingira wa Kijiji cha Sangara kata ya  Riroda katika  Halmashauri ya Wilaya Babati"Wananchi ni lazima watambue miradi hii inayojengwa na serikali kwa kushirikiana na Wadau wa maendeleo ni miradi  yao ni lazima wailinde waisimamie na kuiendeleza " amesisitiza Mkuu wa Wilaya. Aidha mkuu wa Wilaya amesisitiza Wananchi kutunza vyanzo vya Maji na mazingira ili kuendelea kunufaika na rasilimali muhimu ya Maji. Mradi wa Maji na Usafi wa Mazingira wa Sangara unafadhiliwa na Shirika la Water Aid na Halmashauri ya Wilaya Babati na unategemea kugharimu kiasi chaTsh 290 millioni mpaka kukamilika kwake.Naye Mkurugenzi Mkaazi wa Shirika la Water Aid Tanzania Ndg Dr. Ibrahim Kabole ameishukuru serikali Wilayani Babati kwa kukubali kupokea Mradi huo na akaomba ushirikiano, katika utekelezaji Mradi huo. Mkutano huo umehudhuriwa na Viongozi wa serikali ya Kijiji, Kata ,H/Wilaya na viongozi kutokaOfisi ya Mkuu wa Mkoa wa Manyara, taasisi na Mashirika ya UTT, na Shirika la makazi Tanzania ambao wametoa mada mbalimbali juu ya kuulinda, kusimamia na kuendeleza Mradi huo.