RC Mnyeti Alipongeza Baraza la Madiwani la Halmashauri ya Wilaya ya Babati

Posted on: May 29th, 2020

Mkuu wa Mkoa wa Manyara Mhe. Alexander Mnyeti amelishukuru Baraza la Madiwani la Halmashauri ya Wilaya ya Babati kwa kusimamia menejimenti vizuri Mpaka Halmashauri hiyo kupata Hati safi. Akizungumza kwenye kikao Maalum cha Mkutano wa Baraza la Madiwani wa H/Wilaya ya Babati leo wakati wa kujadili Taarifa ya Majibu ya  Hoja za Mdhibiti na Mkaguzi Mkuu wa Hesabu za Serikali (CAG) kwa mwaka 2018/2019 uliofanyika  makao makuu Dareda  amesema  "Nawapongeza Madiwani kwa kusimamia Menejimenti   Vizuri kwa kipindi chote cha Miaka mitano tunawaombea wote mgombee na mchaguliwe tena " Aidha  amewaagiza viongozi wa Halmashauri kuanzia ngazi ya Vijiji kutowanyanyasa wananchi bali wawaelimishe, wawaelekeze ,wawaongoze kwenye njia sahihi za kujiletea Maendeleo.