RC Aagiza Kila Mtoto Mwenye Umri wa Kuanza Shule Kuandikishwa

Posted on: November 21st, 2023

Mkuu wa Mkoa wa Manyara Mhe.Queen Sendiga ameagiza  kila mtoto mwenye umri wa kuanza shule apelekwe akaandikishwe kuanzia sasa. Hayo yamesemwa leo kwenye ziara  yake kijijini Hoshani kata ya Duru H/ Wilaya ya Babati" Serikali ya Rais Samia inaleta fedha nyingi sekta ya ya Elimu hivyo kila mtoto mwenye umri wa kuandikishwa shule akaandikishwe na mwezi januari  2024 apelekwe  shule" amesisitiza kiongozi huyo.Mhe. Sendiga akiwa kijiji cha Endadment kata Gidas amekagua ujenzi wa mradi wa kituo cha Afya Gidas na ameongea na wananchi na kusikiliza kero za wananchi ambapo ameagiza  Meneja wa RUWASA  kufanya kazi usiku na mchana kuhakikisha maji yanatoka katika kata hiyo. Wakati huo huo amepiga marufuku kwa walimu kurudisha watoto nyumbani kwa kukosa michango ambayo wamekubaliana  kwenye mikutano. Naye Mbunge wa Babati Vijijini Mhe . Daniel Sillo ameshukuru Serikali kwa kutoa fedha nyingi katika sekta ya Afya, Elimu na Maji.