Mwenyekiti wa Halmashauri Apongeza Shirika la Karim Foundation

Posted on: May 30th, 2024

Mwenyekiti wa H/ Wilaya ya Babati Mhe John Noya amepongeza shirika la Karim Foundation kwa kushirikiana na H/Wilaya  Babati  na wananchi wa kijiji cha Dohom kwa ujenzi wa matundu ya vyoo 28 katika shule ya Sekondari Dohom iliyoko kata ya Arri.Mhe. Noya ameyasema hayo leo kwenye hafla fupi ya kuweka jiwe la ufunguzi wa ujenzi wa mradi huo iliyofanyika leo shule ya Sekondari Dohom" Tunashukuru serikali ya Awamu ya Sita kwa kushirikiana na Karim Foundation ,wananchi katika ujenzi wa matundu 28 ya vyoo katika shule hii ushirikiano huo uendelee" amesisitiza kiongozi huyo.Katika hotuba yake  amesisitiza utunzaji wa mradi kwa manufaa ya wengine na akaomba wananchi waendelee kutoa ushirikiano kwa Serikali inayoongozwa na Rais Mhe  Dk Samia   Suluhu Hassan. Wananchi wa kijiji cha Dohom wameshukuru  Serikali na  Mfadhili Karim Foundation  na kuahidi kutoa ushirikiano kwa miradi mingine inayojengwa na serikali na wafadhili.