Mwenyekiti wa Halmashauri Amshukuru Rais Samia

Posted on: April 12th, 2023

Mwenyekiti wa Halmashauri ya Wilaya ya Babati Mhe. John Noya ameshukuru Serikali kwa kutoa fedha kiasi Cha Tsh 230,000,000 kwa ajili ya ujenzi wa Majosho 10 katika Vijiji vya Halmashauri Wilaya ya Babati. Mhe Noya ameyasema hayo leo katika Kijiji Cha Kakoi Kata ya Nkait wakati Kamati ya Ujenzi , Uchumi na Mazingira ikikagua miradi ya Maendeleo  robo ya Tatu ya Mwaka huu " Tunashukuru Serikali ya Awamu ya Sita kwa kutoa fedha kujenga Majosho katika Vijiji vyetu, hii itasaidia kuboresha mifugo na mazao  yatokanayo na mifugo na kuongeza kipato kwa wafugaji  na jamii Kwa ujumla" amesisitiza kiongozi huyo. Mwenyekiti huyo amesisitiza mkandarasi anayejenga Majosho hayo kukamilisha kwa wakati na Wananchi kutunza Majosho hayo baada ya kukamilika.  Wizara ya Mifugo na Uvuvi imetoa fedha Kiasi Cha Tsh 230 Million  kwa ajili ya  ujenzi wa Majosho 10  katika Vijiji. 10 vya H/ Wilaya ya Babati  na Majosho hayo yanaendelea na ujenzi na yako katika hatua mbalimbali za ukamilishaji