Mradi wa Vyoo Shule za Secondari Wilayani Babati Wapokelewa kwa Shangwe

Posted on: January 17th, 2019

Wananchi wa Halmashauri ya Wilaya ya wametakiwa kuchangia shughuli.za maendeleo hasa ujenzi wa Zahanati na Shule ili kujiletea Maendeleo. Hayo ameyasema Mkurugenzi Mtendaji wa Halmashauri ya Wilaya ya Babati Ndg Hamisi Malinga kwa nyakati tofauti akiwa Kijiji cha Gajal kata ya Ayalagaya akihamasisha ujenzi wa zahanati  ya Kijiji cha Gajal pia akiwa Shule ya Sekondari ya Ayalagaya kata   ya Ayalagaya akihamsisha ujenzi wa vyumba vya madarasa na kupokea mradi wa ujenzi wa vyoo vya Wavulana matundu 12 Shule ya Sekondari Ayalagaya  vilivyojengwa na   Shirika la Karim International Help Fund ."Miradi hii inayojengwa ni yetu kwa maendeleo yetu ni lazima kila mmoja achangie kwa maendeleo yetu" Amesisitiza Mkurugenzi Mtendaji.Akiwa zahanati ya Kijiji cha Gajal Mkurugenzi amechangia Bati 55 kwa ajili ya uapauzi wa Zahanati ya Kijiji hicho. Aidha Mkurugenzi Mtendaji amemshukuru Ndg Nelson Mattos  Mfadhili Mkuu  na Karim International kwa  kwa ufadhili wao katika mradi wa ujenzi wa Vyoo Shule ya Sekondari ya Ayalagaya