Mkuu wa Wilaya ya Babati Mhe Eng Raymond Mushi akiongea na Watendaji wa Kata, Maofisa Elimu Kata na Watendaji wa Vijiji leo katika ukumbi wa Halmashauri ya Wilaya ya babati ya Babati

Posted on: May 15th, 2018

Mkuu wa Wilaya ya Babati  Mhe. Eng Raymond Mushi amewataka Watendaji wa kata, Maofisa Elimu Kata na Watendaji wa Vijiji kusimamia kikamilifu ujenzi wa matundu ya vyoo katika shule za Msingi na Sekondari katika maeneo yao. Hayo ameyasema leo kwenye kikao Maalum cha Watendaji hao kilichofanyika katika ukumbi wa Halmashauri ya Wilaya ya Babati "Tunataka shule zetu zote ziwe  na matundu ya vyoo vya kutosha na vijengwe na Wananchi na Wahisani wengine na kazi hii imalizike mwishoni  mwa mwezi Julai mwaka huu" Mkuu wa Wilaya amesisitiza. Aidha amewataka Watendaji hao  kusimamia ujenzi wa matundu kujengwa kwa kiwango kinachotakiwa na Ukaguzi kwa kila shule utaanza mwishoni mwa mwezi Julai .Mkuu wa Wilaya amesema kuna Magonjwa mengi yanayowapata wanafunzi wakiwa Shuleni hivyo ni lazima tuweke mkakati wa ujenzi wa matundu ya vyoo kwa kila shule kwani ni muhimu Sana katika maendeleo ya jamii. Mtendaji wa Kijiji cha Hallu kata Gallapo  Halmashauri ya Wilaya ya Babati Ndg January Cosmas Doita kwa niaba ya Wajumbe wa kikao hicho amemshukuru Mkuu wa Wilaya kwa kuweka mkakati huo kwani ukosefu wa matundu ya vyoo katika shule za Msingi na Sekondari ni tatizo kwenye baadhi ya kata na vijiji na kuahidi kwenda kuanza utekelezaji wa ujenzi wa matundu ya vyoo.