Mkurugenzi Awataka Wajumbe wa Bodi BURUNGE Kuleta Maendeleo kwa Wananchi

Posted on: January 22nd, 2019

Mkurugenzi Mtendaji wa Halmashauri ya Wilaya ya Babati Ndg Hamisi Malinga ameutaka uongozi wa Jumuiya ya Wanyamapori Burunge(JUHIBU) kutumia vizuri fedha wanazozipata katika kuleta maendeleo ya Wananchi walioko kwenye Jumuiya hiyo.Hayo ameyasema Leo  kwenye Hafla fupi ya kuwaapisha wajumbe wa Bodi ya Wadhamini wa Jumuiya hiyo iliyofanyika ofisini kwao Kijiji cha Mwada Kata Mwada. "Asitokee  mtu yeyote akapewa fedha bila utaratibu,fedha hizo tutakudai"  amesisitiza Mkurugenzi Mtendaji.Katika hafla hiyo amewasisitiza Viongozi waliopishwa kusimamia Mali za Jumuiya na kuhakikisha fedha zote kabla hazijatumika zipelekwe Bank na Fedha hizo zitakaguliwa kila mara. Naye Hakimu wa Mahakama ya Mwanzo Magugu  Mh.Christina Kisamo amewataka Wajumbe wa Bodi hiyo kuheshimu kiapo chao na wafanye kazi kwa makini na uadilifu na kwa kuzingatia sheria za nchi.