Kilimo cha Pamba Chaibua Chachu ya Maendeleo Wilayani Babati

Posted on: January 18th, 2019

Halmashauri ya Wilaya Babati  kwa msimu wa Kilimo wa mwaka  2019 imedhamilia kufanya vizuri katika kilimo cha Pamba na mazao mengine ya biashara ili wananchi wapate kipato kupitia Kilimo .Hayo ameyasema leo Mwenyekiti wa Kamati ya kudumu ya Madiwani ya  Uchumi ,Ujenzi na Mazingira Mhe Crescent Khaday katika kijiji cha Mwada kata ya Mwada wakati kamati hiyo ikikagua  miradi ya maendeleo  likiwemo Shamba la Pamba la Mkulima Ndg Rinus Mwacha (28) mkazi wa kijiji cha Mwada ambaye amelima Pamba Ekari 5."Halmashauri ya Wilaya ya Babati  inawathamini Wakulima kwani wanachangia pato kubwa la Halmashauri yetu kwa mantiki hiyo sisi madiwani tunapita na kuhamasisha Wakulima walime mazao ya biashara yenye soko  kama Pamba" amesisitiza  kiongozi huyo.Katika hatua nyingine Kamati hiyo imekagua ujenzi wa Kituo cha Afya Magugu  kilichoko kijiji cha Magugu na kusisitiza Wasimamizi na Mafundi kuongeza nguvu katika ukamilishaji wa ujenzi wa Kituo hicho.