Katibu Tawala Ashukuru Shirika kwa Ujenzi wa Shule

Posted on: November 10th, 2022

Katibu Tawala Wilaya ya Babati Ndg Halfan Matipula amewashukuru Wafadhili kwa ujenzi wa Shule ya sekondari ya The Tara Getty. Katibu Tawala  ameyasema hayo leo kwenye uzinduzi wa  ujenzi wa Awamu ya tatu   wa Shule ya Sekondari ya The Tara Getty iliyoko Kata ya Magara H/ Wilaya ya Babati inayojengwa  na shirika lisilo la kiserikali la African Foundation. "kwa niaba ya Mkuu wa Wilaya ya Babati tunashukuru sana  Kwa ujenzi wa Shule hii tangu mwanzo mpaka leo tunapoelekea ujenzi wa Awamu ya tatu tunasema asanteni sana na Ushirikiano huo uendelee" amesisitiza kiongozi huyo"  Katika Awamu hii ya tatu Shirika la African foundation limetoa tsh 500 Million kwa ajili ya ujenzi wa mabweni  mawili  na bwalo moja la chakula katika Shule ya Sekondari The Tara Getty.