Jamii Yatakiwa Kuendelea Kuchangia Chakula katika Shule za Msingi

Posted on: February 5th, 2020

Baraza la Madiwani la Halmashauri ya Wilaya ya Babati limesisitiza Wananchi kuendelea  kuchangia chakula ili watoto wao wa shule za Msingi na Sekondari wapate chakula cha mchana shuleni.Hayo ameyasema leo Mwenyekiti wa  Baraza la Madiwani Mhe Nicodemus Tarmo kwenye Mkutano wa siku ya Kwanza wa kujadili taarifa za kata uliofanyika katika Ukumbi wa H/Wilaya ya Babati ya (zamani.)

"Inashangaza jamii wanachangia chakula kwa ajili ya Wanafunzi wa sekondari lakini kwa Wanafunzi wa shule za Msingi wanakataa, hivyo Baraza linaelekeza jamii kuendelea kuchangia chakula kwa Wanafunzi wote kama mwongozo wa Elimu  bila malipo wa mwaka 2016 unavyoelekeza"amesisitiza kiongozi huyo.