Jamii Imetakiwa Kutumia Vyakula Vyenye Virutubisho

Posted on: June 24th, 2025

Jamii imetakiwa kuchanganya unga wa mahindi na virutubishi ili kutoa mlo wenye lishe Bora kwa watoto. Hayo yamesemwa na Afisa Maendeleo ya Jamii wa H/ Wilaya ya Babati  Ndg January Bikuba kwa Niaba Mkurugenzi Mtendaji leo kwenye tathmini ya utekelezaji wa mradi wa majaribio wa kuchanganya unga wa Mahindi na Virutubishi iliyofanyika katika Shule ya Msingi Dareda Kati. Ndg. Bikuba amesema suala la lishe Bora ni la Msingi sana kwa watoto wote wanaendelea kukua  na lishe ni kichocheo cha Maendeleo ya Watu na Taifa Kwa ujumla, hivyo Kila jamii ilipe kipaumbele amesisitiza kiongozi huyo. Kwa upande wake Ndg. Archard Ngemela  Mratibu kutoka Shirika la Gain(Global Alliance for Improved Nutrition) na Youngson Mgogo Mratibu wa  Lishe Taifa  wameshukuru Halmashauri ya Wilaya ya Babati kwa kukubali kutekeleza mradi huo kwa majaribio na kusisitiza jamii ishiriki kikamilifu ili kuhakikisha watoto  katika Shule zote wanapata chakula chenye lishe Bora na virutubishi vinavyotakiwa ili kujenga jamii Bora. Naye Afisa Elimu H/ Wilaya ya Babati Getrude Kavishe ameshukuru Shirika la Gain na TAMISEMI kwa kuleta mradi huo katika Halmashauri ya Wilaya ya Babati na kuahidi vifaa, mashine vitatunzwa na watoto katika Shule  zilizopo kwenye  mradi kuanza kutumia virutubishi.