Halmashauri ya Wilaya ya Babati Kukusanya Billion 41.8 kwa Mwaka wa Fedha 2019/2020

Posted on: January 12th, 2019

Halmashauri ya Wilaya ya Babati Mkoani Manyara inatarajia kukusanya na kupokea jumla ya Kiasi cha Tsh 41,821,134,310 kwa Mwaka wa fedha 2019/2020. Akiwasilisha  Makisio ya Mpango na Bajeti ya  Halmashauri ya Wilaya ya Babati kwenye  Mkutano Maalum wa Baraza Madiwani uliofanyika katika Ukumbi wa Halmashauri ya Wilaya ya Babati,  Kaimu Mkurugenzi Mtendaji wa  Ndg Benitho Kavenuke  amesema Bajeti hiyo ikipitishwa  inategemea kuleta mabadiliko chanya kwa wananchi wa Halmashauri ya Babati.Diwani wa Kata ya Mamire ambaye pia ni Mwenyekiti wa Halmashauri ya Wilaya ya Babati  Mhe Nicodemus Tarmo ameomba Madiwani washirikiane  na Wakuu wa Idara kutambua vyanzo vipya  vya Mapato katika maeneo yao ili kuongeza Mapato ya Halmashauri kuliko kuendelea kutegemea chanzo kimoja cha ushuru wa Mazao. Baraza hilo limejadili na kupitisha kiasi cha Tsh 41,821,134,310 ikiwa ni fedha kutoka Mapato ya vyanzo vya ndani,Matumizi ya Kawaida,Mishahara na Miradi ya Maendeleo kikusanywe na kitumike kwa mwaka wa fedha 2019/2020.