Elimu Yatolewa Juu ya Usimamizi Bora wa Mapato na Matumizi Ngazi za Kata na Vijiji

Posted on: January 25th, 2019

Wasimamizi wa fedha katika ngazi za Vijiji,Zahanati,Vituo vya Afya na Shule  wametakiwa kufuata taratibu za Manunuzi, sheria na kanuni  katika Matumizi ya fedha za Serikali.Hayo ameyasema  Kaimu Mkurugenzi Mtendaji wa Halmashauri ya Wilaya ya Babati Dkt Hosea Madama  kwenye Mafunzo ya Manunuzi, Mapato na Matumizi ya fedha  Serikali kwa Watendaji wa Vijiji ,Wahasibu wa vituo vya Afya ,zahanati shule za Msingi na Sekondari  yaliyofanyika  leo katika ukumbi wa Halmashauri yaWilaya ya Babati " Baada ya mafunzo haya kila mmoja afuate taratibu na sheria za Manunuzi na fedha kwani ukaguzi utafanyika kila baada ya miezi mitatu" amesisitiza Kaimu Mkurugenzi. Aidha ameagiza Mkaguzi wa ndani kila mwezi kukagua baadhi ya shule , vituo vya afya na zahanati ili  watakaogundulika kwenda kinyume  na taaribu za fedha hatua zichukuliwe  kwani wamepewa mafunzo ya kutosha. Naye Mtendaji wa Kijiji cha Gichameda Ndg John Haymora  kwa niaba ya Washiriki ameshukuru Uongozi wa Halmashauri ya Wilaya ya Babati  kwa kutoa  mafunzo hayo na kueleza kuwa wataenda kutekeleza na kufanya kama walivyoelekezwa na Mweka Hazina   , Afisa ugavi  na Mkaguzi wa Ndani wa Halmashauri Wilaya na matokea yatakuwa makubwa. Mafunzo hayo yamehudhuriwa na Washiriki 330 kutoka Kata zote 25 za Halmashauri ya Wilaya ya Babati