DC na Ded Watoa Shukurani kwa Wadau wa Maendeleo

Posted on: April 8th, 2019

Mkuu wa Babati.Mhe Elizabeth Kitundu kwa kushirikiana na Mkurugenzi Mtendaji wa Halmashauri ya Wilaya ya Babati Ndg Hamisi Malinga wamewashukuru wafadhili wa Mashirika ya Habitat for  Humanity,Water Aid na Wananchi wa kijiji cha Sangara kata ya Riroda H/W ya Babati  kwa ujenzi wa mradi mkubwa wa Maji. Wakiongea kwa nyakati tofauti  kwenye hafla fupi ya kuweka jiwe la Msingi kwenye Mradi wa Maji wa Sangara ulioko ktk Kijiji cha Sangara wamesema wanawashukuru Wadau  wa maendeleo kwa kushirikiana na wananchi kuweza kujenga mradi wa Maji mkubwa ambao utawezesha  wananchi wa kijiji cha Sangara kupata Maji safi na kujiletea maendeleo."Tunawashukuru sana Wadau wetu wa maendeleo kwa kuleta mradi mkubwa wa Maji hapa Sangara ,naomba wananchi kulinda na kuitunza miundombinu yote ya Maji ya mradi huu",amesisitiza Mkuu wa Wilaya ya Babati.Naye Mkurugenzi wa Shirika la Habitat for Humanity  Ndg Sairas Watuku ameshukuru Serikali  na wananchi kwa ushirikiano wao .Mradi huo utagharimu kiasi Tsh  210 Million.