Baraza la Madiwani la Halmashauri ya Wilaya ya Babati lapongezwa

Posted on: July 16th, 2018

Baraza la Madiwani la Halmashauri ya Wilaya ya Babati lapongezwa kwa kupata hati Safi ya Ukaguzi wa mahesabu ya fedha ya mwaka 2016/2017.Akisoma Hotuba ya Mkuu wa Mkoa wa Manyara kwenye kikao Maalum cha Baraza la Madiwani  kujadili taarifa ya Mdhibiti na mkaguzi Mkuu wa Hesabu za Serikali mwaka 2016/2017 Mwakilishi wake  Ndg Arnold M.Msuya amesema"anapongezaza Baraza  na Timu ya Menejimenti ya Halmashauri ya Wilaya Babati kwa kupata hati Safi na kulitaka Baraza kuendelea kusimamia Menejimenti kikamilifu kutimiza wajibu wake" Amesisitiza.Aidha amewataka wakuu wa Idara kudhibiti hoja na kila mkuu wa Idara, kitengo na sehemu ni lazima awajibike na kushiriki kikamilifu wakati wa Ukaguzi, badala ya utaratibu wa sasa wa kuiachia Idara ya fedha jukumu la kutafuta majibu wakati wa Ukaguzi.