Wananchi wapongezwa kuchangia Miradi ya Maendeleo

Timu ya  ya Ukaguzi na ufuatiliaji kutoka Ofisi ya Raisi  TAMISEMI na Wizara ya  Fedha na Mipango, imewapongeza wananchi wa Halmashauri ya Wilaya ya Babati kwa  ujenzi  wa miradi ya Maendeleo kwa nguvu zao wenyewe. Hayo yamesemwa na Kiongozi wa Timu hiyo  Ndg Idrisa Mtandi ambaye ni Mchumi Ofisi ya Raisi TAMISEMI wakati wa ukaguzi wa miradi ya maendeleo katika kata za Magugu,Ufana, Bashnet,Madunga,Dabil,Duru na Dareda  katika Halmashauri ya Wilaya ya Babati 

Amesema  timu imeridhishwa na miradi  iliyokaguliwa iliyojengwa kwa  michango ya wananchi na serikali na kaendelea  kuwaomba kuendelea kutoa michango yao  kukamilisha miradi inayoendelea kujengwa. Naye Diwani wa Kata ya Madunga Ndg. Noya John Silvin kwa niaba ya Wananchi aliishukuru Serikali kwa  kutoa  fedha kusaidia  nguvu za Wananchi kukamilisha miradi ya maendeleo. Miradi iliyokaguliwa na Timu hiyo ni miradi iliyoka kwenye  sekta ya Elimu,Afya na Maji.