Waziri Mchengerwa asisitiza kuandika habari zenye hamasa na ushuhuda.

Posted on: May 24th, 2025

Waziri wa nchi Ofisi ya Rais TAMISEMI Mhe. Mohamed Mchengerwa amewataka  maofisa Habari kuandika kila  mara habari zenye hamasa na kuibua ushuhuda kuhusu kazi na miradi inayotekelezwa na Serikali. Mhe. Mchengerwa ameyasema hayo leo  kwenye kikao  kazi na Maofisa Habari  kilichofanyika katika Ukumbi wa Jiji la Dodoma mjini Mtumba." Nendeni mkaisemee miradi ya Maendeleo inayotekelezwa katika maeneo yenu"   amesisitiza kiongozi huyo. Aidha amesema ipo miradi mingi ya sekta za  Elimu, Afya,Utawala kilimo,Maji Barabara  ambayo imetekelezwa nendeni mkaisemee   kwa wananchi. Sambamba na hilo amewataka maofisa Habari hao kwenda kuandaa Vipindi mbalimbali  vya kuelimisha jamii vitakavyoangazia kazi na miradi inayotekelezwa na Serikali ya Awamu ya Sita inayoongozwa  na Dkt Samia Suluhu Hassan Rais wa Jamhuri ya Muungano wa Tanzania.. Kikao kazi za Maofisa Habari kimeitishwa na Mhe Waziri Mchengerwa kwa ajili ya kubadilishana uzoefu , kukuza taaluma ya habari na kuimarisha ushirikiano kati ya TAMISEMI na Taasisi zake