Waziri Jafo awapongeza Wananchi wa Magugu kwa Ujenzi kituo cha Afya

Posted on: July 9th, 2020

Waziri Ofisi ya Rais Tamisemi Mhe.Selemani  Jafo ameipongeza Halmashauri ya Wilaya ya Babati na Wananchi wa Kata ya Magugu kwa  usimamizi mzuri wa ujenzi mpaka kukamilika kwa kituo cha Afya Magugu. Waziri Jafo ameyasema hayo leo kwenye hafla fupi ya kuweka jiwe la uzinduzi wa kituo cha Afya  Magugu kilichopo kata ya Magugu katika H/W ya Babati, "Wananchi wa Magugu wameitendea haki fedha iliyotolewa na Rais wa Jamhuri ya Muungano wa Tanzania Mhe. Dk John Pombe Magufuli kiasi cha Tsh  Million 400 na leo tunaona majengo yote yamekamilika na yanatoa huduma."Binafsi nimefarijika sana hongera sana Wananchi wote wa Magugu" Amesisitiza kiongozi huyo.Aidha amewapongeza watumishi wa kituo cha Afya Magugu kwa utoaji huduma na akawaeleza kuwa anataka kituo cha Afya Magugu kiwe kituo Bora nchini. Katika hafla hiyo amekagua kituo na kuongea na Wananchi na kusisitiza kulinda amani na utulivu na kujiepusha na Rushwa  hasa kipindi hiki cha kuelekea uchaguzi Mkuu wa mwaka 2020.