Watumishi Watakiwa Kufanya Kazi Kwa Bidii Katika Maeneo Yao.

Posted on: May 1st, 2018

Kaimu  Mkuu wa Mkoa wa Manyara Mhe. Eng. Raymond Mushi amewataka Wafanyakazi kufanyakazi kwa bidii, kujituma  na kuacha uvivu ili  kuiletea nchi maendeleo. Mhe. Raymond ameyasema hayo kwenye maadhimisho ya  siku ya Wafanyakazi iliyofanyika mjini Babati katika viwanja vya Kwaraa ambapo amemwakilisha Mkuu wa Mkoa wa Manyara. Akijibu Risala ya Wafanyakazi iliyosomwa na Katibu wa Tucta Mkoa wa Manyara amesema ni kweli Tanzania ina ukosefu wa ajira hii ni kutokana na maendeleo ya Teknolojia na ukosefu wa viwanda na hii itapungua taratibu kutokana na ujenzi wa viwanda unaoendelea nchini. Aidha amewaomba Wafanyakazi kuhamasisha wananchi kulipa Kodi ili nchi ipate mapato na  kuendeleza miradi yake. Maadhimisho hayo yamehudhuriwa na Viongozi mbalimbali wa Wilaya ya Mkoa na kupambwa na maonesho mbalimbali kutoka kwa Wafanyakazi.