Walengwa wa TASAF Babati DC Waishukuru Serikali

Posted on: September 21st, 2022

Wanufaika wa  mradi wa kunusuru kaya Masikini( TASAF) H/Wilaya ya Babati wameishukuru serikali kwa kuendelee kutoa fedha kwa walengwa wa mradi huo. Akizungumza Bi Juliana Tlatla mkazi wa kijiji cha Kwaraa kata ya Endakiso  kwa niaba ya walengwa ktk kijiji hicho(waliofika kupokea fedha) amesema wanaishukuru serikali kuendelea kutoa fedha kwa lengwa ili ziwasaidie katika  kujikwamua na umasikini. 

Bi Juliana amewaomba wanufaika wenzake kutumia fedha hizo kuanzisha miradi ya maendeleo mfano ufugaji, kilimo cha mbogamboga ,biasharakama yeye anavyofanya ili kujiongezea kipato. Naye mratibu wa TASAF H/Wilaya ya Babati Ndg Regina Mlinga amesema kwa kipindi cha Julai hadi August 2022  serikali kuu imetoa fedha kiasi cha Tsh 516,225,750 kwa ajili ya mradi wa kunusuru kaya Masikini ambapo walengwa 14,475 katika vijiji vyote 102  vya H/Wilaya ya Babati watanufaika na fedha hizo.Mratibu huyo amesisitiza walengwa kutumia fedha hizo vizuri ikiwa ni pamoja na kuanzisha shughuli za ujasiliariamali ambazo zitawaongezea kipato.