Wajumbe wa Baraza la Madiwani Waishukuru Serikali

Posted on: May 7th, 2025

Wajumbe wa Baraza la Madiwani Halmashauri ya Wilaya ya Babati wameshukuru Serikali kwa kutoa fedha za ujenzi wa Kituo Cha Afya Kipya cha Kiru katika kata ya Kiru Tsh 250,000,0000 , ujenzi  wa Mabweni mawili   Shule ya Sekondari Gidas  kata ya Gidas Tsh ( 260,000,000 ) na  Ujenzi wa Mabweni mawili Shule ya Sekondari Kisangaji kata ya Kisangaji Tsh 260,0000,000).Akitoa Taarifa ya Serikali leo kwenye Baraza la Madiwani, Mkurugenzi Mtendaji wa Halmashauri ya Wilaya ya Babati Anna Mbogo amesema Serikali inayoongozwa na Mhe. Dkt Samia Suluhu Hassan imeleta fedha nyingi ikiwemo ujenzi wa Kituo na Mabweni tajwa hapo juu na miradi mingine mingi.  Kwa Upande wake  Diwani wa Kata ya Kiru Keremu B. Keremu  ameshukuru Serikali kuwapatia kituo  kata ya Kiru kwani ilikuwa hitaji lao kwa muda mrefu. Wakati huo  Mwenyekiti wa H/ Wilaya Mhe. John Noya na Wajumbe wa Baraza hilo Wamempongeza Mbunge wa Jimbo la Babati Vijijini  Mhe. Daniel Sillo kwa kazi nzuri na kuwatumikia vyema kwani ameleta miradi na Maendeleo kwa wananchi .