Viongozi Watumikieni Wananchi Bila Ubaguzi

Posted on: April 2nd, 2024

Viongozi wa kuchaguliwa wametakiwa kuwatumikia wananchi wote bila kubagua tofauti zao ili kuwaletea maendeleo katika maeneo yao. Hayo yamesemwa na Mkuu wa Wilaya ya Babati Mhe. Lazaro Twange kwenye Mkutano wa kusikiliza na kutatua kero uliofanyika leo ofisi za Kijiji cha Hyasem kata ya Ayalagaya H/ Wilaya ya Babati. " viongozi wasikilizeni wananchi  wote bila kuwabagua" amesisitiza kiongozi huyo. Katika Mkutano huo wananchi wamelalamika kuwa  Mwenyekiti wa Kijiji hicho Ndg  Martin Safari    haitishi vikao vya kisheria, anatumia,  madaraka yake vibaya na anakwamisha shughuli za maendeleo katika kijiji hicho. Naye Mkuu wa Wilaya amewaeleza wananchi kuwa kwa siku zilizobaki mwenyekiti huyo ajitathimini kama kweli anaongoza kijiji hicho kwa kufuata sheria kanuni na taratibu. Mhe. Twange kwa kushirikiana na Mkurugenzi wa H/ Wilaya Babati, Meneja TANESCO , Meneja TARURA na Meneja RUWASA wametatua kero mbalimbali za wananchi na ziara ya Mkuu wa Wilaya ya kutatua kero kijiji cha kijiji inaendelea