Viongozi wa Kisiasa Wakubali Kutoa Elimu Awamu ya Pili Daftari la Wapiga Kura

Posted on: May 8th, 2025

Afisa Mwandikishaji Jimbo la Babati Vijijini Anna Mbogo  amekutana na Viongozi wa  vyama vya Siasa kwa ajili ya maandalizi ya Uboreshaji wa Daftari la Kudumu la Wapiga kuwa  Awamu ya Pili na uwekaji wazi Daftari la awali la wapiga kura. Akizungumza na Viongozi hao leo ofisini kwake  amewaomba  Viongozi hao kwenda kuhamasisha na kutoa Elimu kwa  wananchi, wafuasi wa vyama vyao ilii wajitokeze Kwa wingi katika uboreshaji Daftari Awamu ya Pili na kukagua Daftari la awali ambalo litabandikwa kwa kila kituo kilichotumika kuandikisha Wapiga kura Mwaka jana. Kwa Upande wa Viongozi wa vyama wameshukuru ushirikishwaji huo na kuhaidi kwenda kuhamasisha na kutoa Elimu kwa wananchi. Uboreshaji Daftari la Awali  la Wapiga kura Jimbo la Babati Vijiji utaanza tarehe 16 Hadi tarehe 22/5 /2025,  jumla ya Vituo 36 vitatumika na utafanyika ngazi ya Kata. Vituo vitafunguliwa  saa 2.00 na kufungwa saa 12 jioni Kwa muda wa Siku zote Saba.