Ujenzi wa Vituo vya Afya Kumalizika kwa Wakati

Posted on: July 6th, 2022

Madiwani wa H/ Wilaya ya Babati Mkoani Manyara wamesisitiza vituo vya Afya vyote vilivyopokea fedha kutoka Serikali kuu kuhakikisha vinakamilika kwa wakati na kuanza kutoa huduma.  Hayo yamesemwa na Mwenyekiti wa Baraza la Madiwani Mhe John Noya leo kwenye ziara ya  ukaguzi miradi  Kamati ya fedha  uongozi na mipango ."Ukaguzi huu ni kuhakiksha miradi yote ya Vituo vya Afya vilivyopokea fedha vinakamilika ndani ya muda  na kwa  ubora unaotakiwa" amesisitiza Kiongozi huyo. 

Katika ukaguzi wa miradi hiyo pia viongozi hao wanakutana na wananchi kuhamasisha shughuli za maendeleo ktk maeneo yao. Vituo vya Afya vilivyopokea fedha  kutoka serikali kuu na vinaendelea kujengwa ni Kituo cha Afya AyasandaTsh 500Million, Kituo cha Afya  Madunga Tsh 500 Millioni na Kituo cha Afya Bashnet Tsh 200 Million kutoka mapato ya ndani ya H/ Wilaya.Vituo hivyo viko hatua mbalimbali za ujenzi kama inavyoonekana kwenye picha.