Ujenzi wa Nyumba za Walimu Manyara Boys, Matunda ya Rais Samia

Posted on: July 1st, 2025

Ujenzi wa Nyumba za Walimu katika Shule ya ya Sekondari ya Manyara Boys wavutia watu wengi wanaopita katika eneo la ujenzi wa mradi.Shule hiyo inayojengwa na Serikali ya Awamu ya Sita inayoongozwa na Mhe. Dkt Samia Suluhu Hassan Rais wa Jamhuri ya Muungano wa Tanzania kwa gharama ya TSH 4.1 Billioni imekuwa kivutio katika Barabara kuu iendayo Arusha  ukitokea Babati mjini. Shule hiyo inajengwa Kijiji Cha Ngoley Kata ya Mwada Halmashauri ya Wilaya ya Babati. Mkurugenzi  Mtendaji wa Halmashauri ya Wilaya ya Babati Anna Mbogo ambaye ni msimamizi mkuu wa ujenzi Shule hiyo ameshukuru Serikali ya Awamu ya Sita Kwa ujenzi wa Shule hiyo Mpya ya kisasa ambayo itaanza kupokea wanafunzi wa kidato cha tano July 2025. Kwa Upande wake Mwenyekiti wa Kijiji Cha Ngoley Ndg Fedelis Molomba wa Kata ya Mwada anashukuru Serikali ya Awamu ya Sita Kwa ujenzi wa Shule hiyo anasema faida za ujenzi wa mradi huo ni nyingi kuanzia ngazi ya kaya kwani wananchi wengi wamepata ajira za muda mfupi na muda mrefu na watoto wao watapata Elimu karibu kuliko ilivyokuwa hapo awali.