TFF Yatoa Mipira 160

Posted on: April 17th, 2024

Walimu, Wanafunzi na Wadau wengine wa michezo katika H/ Wilaya ya Babati wameshukuru Shirikisho  la Mpira wa Miguu Tanzania( TFF) kwa kutoa mipira 160 kwa shule za msingi nne  kwa ajili ya kuendeleza  michezo. Hayo wameyasema leo mbele ya Mgeni Rasmi ambaye ni Mkurugenzi Mtendaji wa H/Wilaya ya Babati Anna Mbogo wakati wa hafla fupi ya ugawaji wa mpira 160 iliyofanyika  katika Shule ya Msingi Dareda Kati iliyoko kata ya Ayalagaya .  Naye Mkurugenzi Mtendaji Anna Mbogo kabla ya kugawa mipira hiyo ameshukuru TFF na  FIFA  kwa kutoa mipira hiyo katika Halmashauri ya Wilaya ya Babati na  kusisitiza mipira hiyo itunzwe na ifanye kazi iliyokusudiwa ya kuchochea na  kuendeleza michezo Katika Halmashauri  ya Babati. Kwa upande wake Mwalimu Mkuu wa Shule ya Msingi Dareda kati  Samwel Sangwa kwa niaba ya walimu  shule nne zilizopokea Mipira hiyo ameshukuru  TFF na FIFA kwa kutoa mipira katika shule hiyo na kuomba  zoezi hilo  liendelee kwa shule  nyingine. Shule za msingi zilizopokea Mipira  ni Shule ya Msingi Dareda Kati mipira 40,Shule ya Msingi Bashnet mipira  40,  Shule ya Msingi Migungani 40 shule ya Msingi Gichameda mipira 40.