Taasisi Zote Zatakiwa kuunganishwa Umeme

Posted on: November 2nd, 2023

Baraza la Madiwani la Halmashauri ya Wilaya ya Babati limeomba shirika la Umeme la TANESCO mkoa wa Manyara kupeleka umeme katika taasisi zote za H/ Wilaya ya Babati.  Hayo yamesemwa leo  kwenye Mkutano wa Baraza  la Madiwani  na  Mwenyekiti wa Baraza hilo Mhe. John Noya baada ya   kaimu   muhandisi wa  Mipango TANESCO mkoa wa Manyara  Ndg  Manumbo Sabi kuwasilisha  taarifa  kwenye Baraza hilo,  "Inasikitisha shule za msingi na sekondari na baadhi ni za Bweni hazina umeme, Madiwani wakifuatilia TANESCO hawapewi majibu ya kuridhisha" amesisitiza kiongozi huyo. Mhe. Noya ameongeza  Umeme kwa baadhi ya vijiji  na Vitongoji ni changamoto lakini tunaomba shule zipewe kipaumbele na kupelekewa umeme haraka.Naye Muhandisi Sabi ameomba Halmashauri ya Wilaya ya Babati ipeleke orodha ya shule zote ambazo hazina umeme katika shiriki hilo ili zifanyiwe kazi.