Taasisi Zinazotoa Huduma za Afya Zasisitizwa Kuzingatia Taaluma za Afya

Posted on: February 11th, 2025

Baraza la Madiwani Halmashauri ya Wilaya ya Babati limesisitiza Taasisi zote zinazotoa huduma za Afya kuzingatia Taaluma na maadili ya kazi zao katika kuwahudumia wananchi. Hayo yamesemwa  leo na Mwenyekiti wa Baraza hilo Mhe. John Noya kwenye mkutano wa kwanza wa Baraza hilo la kujadili taarifa za kata uliofanyika katika Ukumbi wa Halmashauri. Aidha Baraza limeshauri Kituo cha Afya Bashnet (BUMA) kinachomilikiwa na Kanisa Katoliki la Mbulu kuweka gharama za matibabu rafiki na kuzingatia maadili katika kuwahudumia wananchi. Wakati huo huo Baraza la Madiwani limewapongeza Maofisa Elimu Kata katika kusimamia Elimu katika maeneo yao na kusisitiza maofisa hao kwenda kufuatilia wanafunzi wa kidato cha kwanza ambao bado hawajaripoti shuleni na kuhakikisha wanakwenda shule kabla ya tarehe 15/2/2025